 |
| تطويرك من نفسك أصبح ضرورة |
مشكلة وكارثة في خريجي هذه الأيام. المشكلة دي بتواجه أغلب الشباب في سوق العمل وهو انفصالهم عنه وعدم معرفتهم بمجرياته. خلينا نأكد إن الجامعة ترتبط بشكل وثيق بسوق العمل بمعني إن الموجود في سوق العمل هو تطوير للأساسيات اللي درستها في الجامعة لكن للأسف الجامعة ينقصها الربط بسوق العمل. مهما بلغت الأعذار وتحملت الجامعة المسئولية لكن اللي بيتحمل وبيشيل النتيجة دي هو حضرتك. أيوه هتطور من نفسك وترفع من كفائتك وتبقي فريد لحد ما يبقي مستواك مساو لمتطلبات سوق العمل منك ولاهتقعد تصيح وتندب وتلوم حظك مفيش حد هيطبطب عليك ولا السوق بيرحم. طيب إزاي تطور من نفسك تناسب سوق العمل هأسيبلكم لينك البوست في الكومنتات اتكلمنا فيه عن المسارات اللي لازم تطور من نفسك فيها. وأهم المسارات دي اللي لازم تطور نفسك فيها هي المسار الفني؟! يعني إيه ؟! يعني ما ينفعش تبقي طالب في الهندسة الميكانيكية وما تعرفش أجزاء العربية عبارة عن إيه مثلًا ؟! ولا تبقي بتدرس تجارة وعاوز تتخصص في المحاسبة وما تعرفش أنظمة المحاسبة في الشركة بيبقي شكلها إيه؟! ولا طالب حقوق و عاوز تشتغل في الشركات وما تعرفش الأخطاء القانونية اللي بتقع فيها الشركات والثغرات القانونية اللي ممكن توقع الشركة. الصدمة والشعور ده مش هتحسه غير لما تدخل انترفيو وأنت فريش ويبتدي يسألك في المهارات الأساسية وده الطبيعي فتتصدم وتطلع تقول إنهم عاوزين مهندس 5000 سنة خبرة وهما الناس ما سألوش غير في أساس مجالك . طيب إيه الحل : بص الحلول بسيطة وبتتنوع وهنتكلم عنها بالتفصيل في بوستات قادمة :
1-التدريب : لما تنزل تدريب بلاش تختار مكان يديك ورقة ويقولك اتوكل علي الله يا عم الحاج اختار مكان تقيل فيه خبرات وناس فاهمة وعاوز تديك معلومة بجد .
2- الشغل في الصيف : أجازة الصيف فرصة إنك تجني فلوس وتكسب خبرة وتبقي الخبرة دي في الجون لو اشتغلت في حاجة متعلقة بمجالك يعني لو مهندس انزل ورشة أو مركز صيانة لو تجارة شوفلك شغل في مكتب محاسبة أ, مراجعة لو حقوق انزل شوف شغل مع محام
3- الايفنتات والمؤتمرات: احضر الإيفنتات والمؤتمرات اللي خاصة بمجالك وركز في الكلام اللي بيتقال الناس دي بتفتح كل جديد في مجالك وبتتكلم علي أحدث المهارات المطلوبة , حاول تعمل علاقات مع الناس واتواصل معهم هيفيدوك جدًا وممكن تلاقي mentor جيد في وسط الكلام ده , لو مشفاهم يعني إيه mentor هأسيبلك لينك البوست في الكومنتات ممكن ترجعله
4-اثقل مهاراتك: المتعلقة بالمجال زي صيانة العربية أو برامج الCAD لو أنت مهندس ميكانيكا , تعمل موازنة كاملة في المشروع لو أنت هتتخصص في إدارة المشاريع
نصيحة أخيرة: اتعب وحاول وشد في طريقك وعافر عشان توصل وتفرح بلذة نجاحك الفترة الجاية هنتكلم عن المسارات بالتفصيل فيا ريت تتابعوا الصفحة عشان تشاهدوا كل جديد, وللأسف تم حظر الصفحة من النشر في الجروبات فأنتم أملنا الوحيد فلو عجبك البوست يا ريت لايك و #شير عشان غيرك يستفيد
 |
| عليك أن ترفع من مستوي مهاراتك حتي تصبح متميزًا في مجالك |
أزال أحد مشرفي المدونة هذا التعليق.
ردحذف